MATERI BAHASA SUNDA KELAS 8 SEMESTER 1 MTS AL- MANAAR MUHAMMADIYAH

BAHASA SUNDA KELAS 8 SEMESTER 1 MTS AL-MANAAR 

MUHAMMADIYAH PAMEUNGPEUK

Jum'at, 13 Agustus 2021

Pertemuan ke 1

                     PANGAJARAN  1

                             KAWIH

A.Ngaregepkeun Kawih

Regepkeun kawih di handap ngaliwatan dihaleuangkeun ku Bapa/Ibu Guru.

Pahlawan Toha

Getih suci nyiram bumi

Tulang setra mulang lemah

Babakti sungkem pertiwi

Cikal bugang putra bangsa

Nyatana Muhamad Toha

Pahlawan Bandung Selatan

Patriot ti Dayeuh Kolot

Tugu diwangun ngajadi ciri

Tarate nu mangkak ligar di empang

Jadi bukti gugurna pahlawan bangsa

B.Mahamkeun Eusi Kawih

1. Eusi Kawih

     Kawih Sunda teh loba pisan rupana.Aya anu dipirig ku calung, ku degung, kacapi suling,malah aya anu d pirig ku keyboard jeung gitar oge loba.

Jejer/temana oge rupa-rupa aya anu nyaritakeun cinta, kahirupan, kaendahan alam,cinta lemah cai, rupa-rupa kadaharan, jeung sajabana.

Jejer kawih anu judulna"Pahlawan Toha" ngenaan kapahlawanan. Eusina nyaritakeun kajadian gugurna Muhamad Toha salasaurang pahlawan pajoang kamerdekaan ti Jawa Barat.kajadian ieu teh kawangikeun ka skuliah Nusantara.Kumaha gedena jasa Muhamad Toha kagambar dina rumpaka kawih.Muhamad Toha dianggap maot sahid dina dina kaayaan suci.

             

Mojang Priangan

Angkat ngagandeuang 

Bangun taya karingrang

Nganggo sinjang dilamban

Mojang priangan

Umat -imut lucu

Larak-lirik nyari

Rarat- reret keupat

Mojang Priangan

Diraksukan kabaya

Nambihan cahayana

Dangdosan sederhana

Mojang Priangan

Mundi sanggul ayu

mun disinjang lenjang

Mun di erok denok

Mojang Priangan

Gareulis maranis

Disinjang lalenjang

Estu surup nu nempo

Mojang Priangan

💖 Hatur nuhun 🙏💖

Jum'at, 20 Agustus 2021

PANGAJARAN 2

WARTA

Warta teh beja. Mun dina koran,majalah, atawa televisi sok disebut berita. Unggal poe televisi ngawartakeun rupa- rupa beja ti sakuliah dunya dina dnggal widang kahirupan.

💖 Hatur Nuhun 🙏💖

Jum'at, 25 September 2020

Latihan!

Baca conto warta di handap!

          Ti tanggal 5 nepi ka 15 Agustus 2020, di Gedong Kasenian Rumentang siang Bandung diayakeun pasang-giri drama tingkat SMP/Mts sa-Jawa Barat. Unggal Kabupaten/Kota ngirimkeun wawakilna. Aya anu ngan ukur ngirimkeun hiji wawakil, aya oge anu nepi ka dua atawa tilu wawakil. Jumlah pamilon anu miluan kana eta Pasanggiri aya 63 group drama. Teu wudu Gedong Kasenian Rumentang Siang anu biasana tiiseun teh ngadadak rame, boh ku pamilon boh ku nu lalajo. Unggal poe korsi panongton teu weleh pinuh. Matak reugreug ka panitia.

Sabada maca warta di luhur, pek jieun rumusan wartana! 

Jum'at, 23 Oktober 2020

PANGAJARAN 3

GUGURITAN

        Guguritan teh karangan pondok anu ditulis dina wangun pupuh. Barudak ayeuna mah geus loba anu teu wanoheun kana guguritan, laguna ayeuna mah di raeh deui, dipirig ku musik anu moderen sarta ngeunaheunlamun dijogedan. Pantesna, para ahli seni nepi ka ngulik lagu jeung musik anu leuwih deket kana rasa barudak ngora teh sangkan ieu pupuh dipikaresep ku entragan ngora.

Babari dilagukeuna sarta ngeunaheun kakupingna. Atuh eusina oge leubeut ku papatah anu gede gunana keur kahirupan.

Geura hayu urang diajar nembangkeun guguritan, nyangkeum eusina jeung sakalaian diajar nulisna.